Main Menu

અમરેલી જીલ્લાના રાજુલા જાફરાબાદ તાલુકામા અનેક શાળાઓમા શિક્ષકોની જગ્યા વણપુરાયેલી હોય…

રાજુલા જાફરાબાદ તાલુકામા અનેક શાળાઓમા શિક્ષકોની જગ્યા વણપુરાયેલી હોય અનેક વિદ્યાર્થીઓને અભ્યાસમા પારાવાર મુશ્કેલી પડી રહી હતી. ત્યારે આ પ્રશ્ને અગાઉ રજુઆત કરવામા આવતા રાજુલા અને જાફરાબાદની શાળાઓમા ૪૯ નવા શિક્ષકોની નિમણુંક કરાઇ છે. આ બાબતે રાજુલા તાલુકા શિક્ષણાધિકારી મણીબેન ગામીત અને જાફરાબાદ તાલુકા શિક્ષણ અધિકારી વાઢેર પાસેથી જાણવા મળેલી વિગત મુજબ રાજુલા શહેરી અને ગ્રામ્ય વિસ્તારમાં ગણિત વિજ્ઞાન સામાજિક વિજ્ઞાન અને ભાષાના ૩૫ શિક્ષકો મુકાયા છે. જયારે જાફરાબાદ શહેરી અને ગ્રામ્ય વિસ્તારમાં ૧૪ શિક્ષકો મુકવામાં આવ્યા હતા. જેમાં ચાંચ, સમઢીયાળા, પટવા, ડુંગર, રાજુલા, ભેરાઇ, રામપરા, મોરંગી, ખેરા, ડોળીયા સહિતના ગામોના ખાલી પડેલી જગ્યાઓ ભરવામા આવી છે.

આ પ્રશ્ને અગાઉ પૂર્વ ધારાસભ્ય હીરાભાઈ સોલંકી,  સહિતના આગેવાનોએ રજુઆત કરી હતી.






error: Content is protected !!