Main Menu

લાઠી મુકામે લુવારીયા દરવાજા પાસે અગાઉ એક કરોડથી વધુ ની કિંમતની બનાવટી ચલણી નોટ સાથે પકડાયેલ આરોપીના ઘરે તપાસમાં જતાં પોલીસ ઉપર થયેલ હુમલાના બનાવમાં ૨૭ ઇસમોની ધરપકડ કરતી અમરેલી જિલ્લા પોલીસ

લાઠી મુકામે લુવારીયા દરવાજા પાસે અગાઉ એક કરોડથી વધુ ની કિંમતની બનાવટી ચલણી નોટ સાથે પકડાયેલ આરોપીના ઘરે તપાસમાં જતાં પોલીસ ઉપર થયેલ હુમલાના બનાવમાં ૨૭ ઇસમોની ધરપકડ કરતી અમરેલી જિલ્લા પોલીસ

ગઇ કાલ તા.૧૨/૦૨/૨૦૧૯ ના રોજ લાઠી ટાઉનમાં લુવારીયા દરવાજા પાસે રહેતાં અને અગાઉ કુલ રૂ.૧,૧૦,૯૫,૦૦૦/- ની કિંમતની બનાવટી ચલણી નોટોમાં પકડાયેલ આરોપી પરેશભાઇ જગદીશભાઇ સોલંકીના રહેણાંક મકાન ઉપર ડુપ્લીકેટ ચલણી નોટો છાપવાનું મશીન હોવાની ચોક્કસ બાતમી આધારે ખાતરી કરવા માટે લાઠી પોલીસ સ્ટેશનની ટીમ ગયેલ હતી અને પોલીસને આરોપીના ઘરની ઝડતી નહી કરવા દેવા સારૂ આજુ-બાજુના પુરૂષો તથા સ્ત્રીઓનું આશરે ૧૫૦ માણસોનું ટોળુ ભેગુ થઇ ગયેલ હતુ અને પોલીસ સાથે ઝપા-ઝપી શરૂ કરેલ હતી અને ત્યારબાદ ટોળુ બેકાબુ બનેલ હતુ અને આ દરમ્યાન એલ.સી.બી.ટીમ બનાવ સ્થળે પહોચી ગયેલ હતી. તેમના દ્વારા આ બનાવ બન્યાની જાણ શ્રી.નિર્લિપ્ત રાય, પોલીસ અધિક્ષક અમરેલીનાઓને કરવામાં આવેલ હતી જેથી પોલીસ અધિક્ષક સા.શ્રી દ્વારા બાબરા, લીલીયા, દામનગર, અમરેલી સીટી પો.સ્ટે. તથા એસ.ઓ.જી તથા ટ્રાફીક શાખા, એલ.સી.બી. તથા અન્ય પોલીસ કાફલો ઘટના સ્થળ ઉપર તાત્કાલીક પહોંચી જઇ પરિસ્થિતી કાબુમાં લેવા અંગે જરૂરી સુચના આપવામાં આવેલ હતી.

લાઠી ટાઉનમાં લુવારીયા દરવાજા પાસે આશરે ૧૫૦ માણસોના પુરૂષો તથા સ્ત્રીઓનું ટોળુ ભેગુ થઇ ગયેલ હતુ અને ટોળુ બેકાબુ બની કુહાડી, લોખંડના પાઇપ, લાકડી, ધોકાઓ જેવા ઘાતક હથિયારો ધારણ કરી ગે.કા.મંડળી રચી પોલીસ કર્મચારીઓની કાયદેસરની ફરજમાં રૂકાવટ કરી પોલીસ કર્મચારીઓ ઉ૫ર હુમલો કરી પથ્થરમારો કરી પોલીસ કર્મચારીઓને નાની મોટી ઇજાઓ કરી તેમજ પોલીસના સરકારી વાહનોને પથ્થરમારાથી આશરે રૂ.૫૦,૦૦૦/- નું નુકસાન કરી પોલીસ વાહનમાં રહેલ વાયરલેસ સેટની તથા સાહેદ પોલીસ કર્મચારીના ગળાના ભાગે ઇજા કરી સાહેદે પહેરેલ સોનાનો ચેઇન કી.રૂા.૪૦,૦૦૦/- ની લુંટ કરી હથિયાર બંધી જાહેરનામાનો ભંગ કરેલ હતો.

પોલીસ દ્વારા ઉપરોકત ટોળાને કાબુમાં લેવા માટે ટીયર ગેસના સેલ છોડવામાં આવેલ હતા તેમજ હળવો લાઠી ચાર્જ કરવામાં આવેલ હતો અને સદરહું બનાવ દરમ્યાન પોલીસના સરકારી બોલેરો વાહનને નુકશાન કરવામાં આવેલ હતુ તેમજ અન્ય સરકારી વાહનમાંથી વાયરલેસ સેટની પણ લુટ કરેલ તેમજ સાહેદ પો કોન્સ કુમારસીંહ કેશુભાઇ રાઠોડનાઓને ટોળાએ ઇજા કરી તેના ગળામાં રહેલ ચેનની લુટ કરેલ હતી.

સદરહું બનાવ દરમ્યાન ફરજમાં રહેલ પોલીસ સબ ઇન્સ. શ્રી મોરી સાહેબ તથા અન્ય ત્રણ પોલીસ કર્મચારીઓને નાની મોટી ઇજાઓ થયેલ હતી.

આરોપીઓનો ગુન્હાહીત ઇતિહાસઃ-

લાઠી ટાઉનમાં લુવારીયા દરવાજા ખાતે રહેતો અને નાસી ગયેલ આરોપી પરેશભાઇ જગદીશભાઇ સોલંકીને અગાઉ એલ.સી.બી.એ કુલ રૂ.૧,૧૦,૯૫,૦૦૦/- (એક કરોડ દસ લાખ પંચાણુ હજાર)ની કિંમતની બનાવટી ચલણી નોટોમાં પકડેલ હતો. અને આજ રોજ ફરી વખત બનાવટી નોટો છાપવાનું મશીન તેના ઘરે હોવાની ચોક્કસ બાતમી મળેલ હોય જે આધારે પોલીસ તેના ઘરે તપાસ કરવા ગયેલ હતી. મજકુર આરોપી અગાઉ પ્રોહીના ગુન્હામાં પણ પકડાયેલ છે.

તેમજ લાઠી લુવારીયા દરવાજા પાસે આજ શેરીમાં રહેતો અને આ ગુન્હામાં નાસી ગયેલ આરોપી રમેશભાઇ ધનજીભાઇ સાકરીયાને અગાઉ અમરેલી એસ.ઓ.જી. દ્વારા ૧.૬૬૫ ગ્રામ ગાંજાના કેસમાં પકડેલ હતો તેના વિરૂધ્ઘ NDPS મુજબ ગુન્હો દાખલ કરાવેલ હતો. અને આ આરોપી તથા તેના પુત્ર મહેશ ઉર્ફે મયલો વિરૂધ્ઘ મારામારી, પ્રોહબીશન જેવા અલગ-અલગ હેડના ૧૧ જેટલા ગુન્હાઓ દાખલ થયેલ છે.

સદરહું ગુન્હાના કામે નીચે મુજબના આરોપીઓને ડીટેઇન કરવામાં આવેલ હતા.
(૧) અજયભાઇ જગદીશભાઇ સોલંકી (૨) અનીલભાઇ ભનુભાઇ જાદવ (૩) અજયભાઇ અનીલભાઇ જાદવ (૪) હીતેષભાઇ જગદીશભાઇ સોલંકી (૫) મુકેશભાઇ વેલજીભાઇ છાપરા (૬) નરસીભાઇ ભુપતભાઇ સરલીયા (૭) નીલેષભાઇ ભનુભાઇ જાદવ (૮) નરેશભાઇ ધીરુભાઇ સોલંકી (૯) હકાભાઇ ભુપતભાઇ સરવૈયા (૧૦) જય રાજેશભાઇ મકવાણા (૧૧) સાગરભાઇ ભરતભાઇ ગાંગડીયા (૧૨) ભાવેશભાઇ જેન્તીભાઇ મેર (૧૩) ગૌતભાઇ ભરતભાઇ ધરજીયા (૧૪) પોપટભાઇ મનુભાઇ ગાંગડીયા (૧૫) સુરેશભાઇ ભરતભાઇ ધરજીયા (૧૬) મુન્નાભાઇ ભુપતભાઇ સરલીયા (૧૭) લાલજીભાઇ રવજીભાઇ ગાંગડીયા (૧૮) ગૌતમભાઇ ઉર્ફે લાલુભાઇ વલ્લભભાઇ મકવાણા (૧૯) રમેશભાઇ વાલજીભાઇ સરલીયા (૨૦) ભાવેશભાઇ ભુપતભાઇ સરલીયા (૨૧) લાલજીભાઇ નરશીભાઇ સરલીયા (૨૨) રોહીતભાઇ ધીરુભાઇ ગાંગડીયા (૨૩) કીર્તીભાઇ ધીરુભાઇ ગાંગડીયા (૨૪) સંજયભાઇ જેન્તીભાઇ મેર (૨૫) રોહીતભાઇ ભરતભાઇ ધરજીયા (૨૬) રાજુભાઇ જેરામભાઇ મકવાણા (૨૭) આશાબેન રાજેશભાઇ મકવાણા રહે.તમામ લાઠી લુવારીયા દરવાજા

બનાવ સ્થળે ટોળામાંથી નાસી ગયેલ ઇસમો
(૧) પરેશભાઇ જગદીશભાઇ સોલંકી રહે લાઠી તા લાઠી
(૨) રમેશભાઇ ધનજીભાઇ સાકરીયા રહે લાઠી કુંભારશેરી તા લાઠી
(૩) ગીરધરભાઇ ઉર્ફે ગીધો મકવાણા રહે લાઠી નાનીબજાર તા લાઠી
(૪) મીત વિજયભાઇ સોલંકી રહે લાઠી
(૫) ગીતાબેન ભરતભાઇ ગાંગડીયા રહે લાઠી
(૬) ભાવનાબેન ગીરધરભાઇ રહે લાઠી
(૭) સંગીતાબેન વિજયભાઇ રહે લાઠી
(૮) રીટાબેન જેન્તીભાઇ રહે લાઠી

સદરહું બનાવ વખતે શ્રી. નિર્લિપ્ત રાય, પોલીસ અધિક્ષક સાહેબ, અમરેલીનાઓની સુચના અને માર્ગદર્શન હેઠળ ટોળાને કાબુમાં લઇ મોટી જાન-હાનિ તથા જાહેર મિલકતને નુકશાન થતાં અટકાવેલ હતાં. તેમજ આજુ-બાજુના વિસ્તારમાં રહેતાં અન્ય સમાજના લોકોને ભય મુક્ત કરાવેલ હતાં. તેમજ સદરહું બનાવ અનુસંધાને ૧૫૦ માણસોના ટોળા વિરૂધ્ધ ગુન્હો લાઠી પો.સ્ટે.માં રજી. કરાવવામાં આવેલ છે. અને આ ગુન્હામાં કુલ ૨૭ આરોપીઓની ધરપકડ કરવામાં આવેલ છે. તેમજ સદરહું ગુન્હાની તપાસ દરમ્યાન અજાણ્યા આરોપીઓ વિરૂધ્ધ પુરાવાઓ એકત્રિત કરી આ ગુન્હામાં સંડોવાયેલ તમામ આરોપીઓની ધરપકડ કરવાની તજવીજ હાથ ધરવામાં આવેલ છે.

આ બનાવને પગલે લાઠી પંથકમાં સનસનાટી મચી જવા પામી હતી.






error: Content is protected !!