Main Menu

બગસરામાં પરપ્રાંતીય બ્રાહ્મણ યુવકે બસ સ્ટેન્ડમાં પેટ્રોલ છાંટી જાત જલાવી સાંજના સમયે જાહેર સ્થળ પર ઘટના બનતા લોકો સ્તબ્ધ

રૂપેશ રૂપારેલિયા બગસરા

 

બગસરામાં પરપ્રાંતીય બ્રાહ્મણ યુવકે બસ સ્ટેન્ડમાં પેટ્રોલ છાંટી જાત જલાવી

સાંજના સમયે જાહેર સ્થળ પર ઘટના બનતા લોકો સ્તબ્ધ

સારવાર માટે અમરેલી ખસેડાયો: હાલત ગંભીર

બગસરા તા.

બગસરામાં આજે સાંજના સમયે પરપ્રાંતિય બ્રાહ્મણ યુવક દ્વારા બસ સ્ટેન્ડમાં પોતાની જાત પર પેટ્રોલ છાંટીને જીવ આપવા માટે પ્રયત્ન કર્યો હતો. આ બનાવને પગલે બસ સ્ટેન્ડમાં સન્નાટો છવાઇ ગયો હતો સારવાર અર્થે બગસરા દવાખાને લાવ્યા બાદ તેને અમરેલી રીફર કરાયો હતો જ્યાં હાલત ગંભીર હોવાનું જાણવા મળ્યું હતું.

વિગત અનુસાર બગસરામાં રહેતા પરપ્રાંતિય બ્રાહ્મણ યુવક રાહુલ મિશ્રા નરેન્દ્ર કુમાર પાંડે ઉમર વર્ષ 22 દ્વારા કોઈ અકળ કારણ ને લીધે સાંજના પાંચ વાગ્યા આસપાસ બગસરા બસ સ્ટેન્ડમાં આવીને કામચલાઉ ઉભા કરવામાં આવેલા પતરાના પીકઅપ સ્ટેન્ડ પાછળ જઈને પોતાના શરીર પર પેટ્રોલ છાટીને આગ ચાપી દીધી હતી આ બનાવ સમયે બસ સ્ટેન્ડમાં મુસાફરો તેમજ મોટી સંખ્યામાં વિદ્યાર્થીઓ પણ હાજર હતા. જે તમામ લોકો સ્તબ્ધ બની ગયા હતા. તાબડતોબ 108ની મદદથી આ યુવકને બગસરાના સરકારી દવાખાને ખસેડવામાં આવ્યો હતો જ્યાં ફરજ પરના તબીબ દ્વારા તેમને તુરંત અમરેલી રીફર કરવામાં આવેલ હતો. બગસરાના અલગ-અલગ રેસ્ટોરન્ટમાં કામ કરી ચૂકેલા આ યુવકે હાલ બેકારી ને લીધે આ પગલું ભર્યું હોય તેવું લોકોમાં ચર્ચાઇ રહ્યું હતું.