Main Menu

અમરેલી જિલ્લામાં કાયદો વ્યવસ્થા સુદ્રઢ બને તેવા હેતુને સાકાર કરવા જિલ્લા પોલીસ વડા નીરલિપ્ત રાય સતત પ્રયત્ન શીલ સાવરકુંડલા શહેરમાં નવરાત્રી દીપવલીનો પાવન અવસરને ધ્યાને લઈને જિલ્લા પોલીસ વડા નીરલિપ્ત રાયની સૂચના અને માર્ગદર્શન તળે ડી.વાય.એસ.પી.આર.એલ.માવાણી ની રાહબરી નીચે નવરાત્રીના પ્રથમ દિવસે સાવરકુંડલા શહેરમાં લુખ્ખાતત્વો ની રંજાડ, અસામાજિક તત્વોની કનડગત કોઈપણ જાહેર જનતા કે વેપારીઓને ન રહે તેમાટે સાવરકુંડલા સીટી ના બાહોશ ઇન્ચાર્જ પી.આઈ. પી.બી.ચાવડા એ સાંજના 6 થી 8 ફુટ પેટ્રોલીંગ આખા શહેરભરમાં આદર્યું

 

ચીફ રિપોર્ટર . ફારૂક કાદરી દ્વારા

સાવરકુંડલા

અમરેલી જિલ્લામાં કાયદો વ્યવસ્થા સુદ્રઢ બને તેવા હેતુને સાકાર કરવા જિલ્લા પોલીસ વડા નીરલિપ્ત રાય સતત પ્રયત્ન શીલ છે ત્યારે સાવરકુંડલા શહેરમાં નવરાત્રી દીપવલીનો પાવન અવસરને ધ્યાને લઈને જિલ્લા પોલીસ વડા નીરલિપ્ત રાયની સૂચના અને માર્ગદર્શન તળે ડી.વાય.એસ.પી.આર.એલ.માવાણી ની રાહબરી નીચે નવરાત્રીના પ્રથમ દિવસે સાવરકુંડલા શહેરમાં લુખ્ખાતત્વો ની રંજાડ, અસામાજિક તત્વોની કનડગત કોઈપણ જાહેર જનતા કે વેપારીઓને ન રહે તેમાટે સાવરકુંડલા સીટી ના બાહોશ ઇન્ચાર્જ પી.આઈ. પી.બી.ચાવડા એ સાંજના 6 થી 8 ફુટ પેટ્રોલીંગ આખા શહેરભરમાં આદર્યું હતું સાથે બાઈક ફોરવહીલ વાહનો લઈને પોલીસતંત્ર શહેરની બજારોમાં નીકળતા વેપારીઓમાં પોલીસતંત્રની કામગીરીની સરાહના થઈ હતી. લુખ્ખા તત્વો માટે આફત બનેલ સીટી પી.આઈ. ચાવડા કોઈપણની શહેશરમ વિના કાયદાની મર્યાદામાં અસામાજિક તત્વો માટે “સિંઘમ” સાબિત થઈ રહ્યા છે સાવરકુંડલા શહેરમાં કાયદો વ્યવસ્થા સાથે લોકોના જાનમાલની સુરક્ષા માટે કટિબદ્ધ જિલ્લા પોલીસ તંત્ર છે ત્યારે સાવરકુંડલા સિટી વિસ્તારમાં દરેક વિસ્તારો, બજારો માં પોલીસ કાફલા સાથે પોલીસ અધિકારીઓએ પગપાળા ફરીને વેપારીઓને અનુરોધ કર્યો હતો કે કોઈપણ અસામાજિક તત્વો, લુખ્ખા તત્વો વેપારીઓ કે રાહદારીઓ કે જાહેર જનતા માટે પોલીસ તંત્ર 24 કલાક અને 365 દિવસ ખડેપગે સુરક્ષા આપવા સક્ષમ છે દરેક તહેવારો કોમી એકતાના ભાવથી લોકો નિર્ભય બનીને ઉજવી શકે તેવા હેતુને ખરા અર્થમાં સાર્થક કરવા ઇન્ચાર્જ પી.આઈ. પી.બી.ચાવડા, પી.એસ.આઈ પી.વી.ખીમસુરીયા, પી.એસ.આઈ.પી.એન.મોરી અને મહિલા પી.એસ.આઈ.એમ.એસ.ગોહિલ સાથે 50 પોલીસકર્મીઓ દ્વારા ફુટ પેટ્રોલિંગ કરતા પ્રજામાં પોલીસતંત્રની સરાહના થઈ રહી છે જ્યારે પોલીસ અધિકારી જાતે રોડ રસ્તા પર પેટ્રોલિંગ કરીને પ્રજાનો સહયોગ પણ માંગ્યો હતો કે પોલીસ પ્રજાનો મિત્ર છે હરહંમેશ પોલીસ તંત્ર સુરક્ષા માટે સજ્જ છે વાર તહેવારો હોય કે ન હોય પણ અસામાજિક પ્રવૃતિઓ સાવરકુંડલા શહેર સાથે અમરેલી જિલ્લામાં સદંતર બંધ કરવાના જિલ્લા પોલીસ પોલીસ અધિક્ષક નીરલિપ્ત રાય ના અભિગમને સાર્થક સાબિત કરવા ક્યાંય પણ અનૈતિક પ્રવૃત્તિ, અસામાજીક તત્વોની રંજાડ, લુખ્ખા તત્વો હોય કે રોડ રોમીયો અમરેલી જિલ્લા પોલીસ તંત્ર પ્રજાના સહયોગમાં હતું અને હમેશા રહેશે તેમ ઇન્ચાર્જ પોલીસ અધિકારી પી.બી.ચાવડા એ જણાવ્યું હતું