Main Menu

બાબરા શહેરમાંથી થયેલ અપહરણના ગુન્હાનો ગણત્રીના કલાકોમાં ભેદ ઉકેલી આરોપીઓને પકડી પાડતી અમરેલી એલ.સી.બી. /એસ.ઓ.જી. તથા બાબરા પોલીસ ટીમ

બાબરા શહેરમાંથી થયેલ અપહરણના ગુન્હાનો ગણત્રીના કલાકોમાં ભેદ ઉકેલી આરોપીઓને પકડી પાડતી અમરેલી એલ.સી.બી. /એસ.ઓ.જી. તથા બાબરા પોલીસ ટીમબાબરા શહેરમાં કરીયાણા રોડ ઉપરથી અલ્ટો કારમાં ભરબપોરે અપહરણ થયેલ હોય *અમરેલી પોલીસ અધિક્ષક શ્રી નિર્લિપ્ત રાય સાહેબ* તથા નાયબ પોલીસ અધિક્ષકશ્રી બી.એમ.દેસાઇ સાહેબ મુ.મ.અમરેલી તથા શ્રી એલ.બી.મોણપરા સાહેબ નાયબ પોલીસ અધિક્ષક અમરેલી વિભાગ, નાઓએ ગુન્હાની ગંભીરતાને ધ્યાને લઇ આ ગુન્હાનો ભેદ ઉકેલવા અને આરોપીઓને પકડી અપહરણ થયેલ વ્યક્તિને સહી-સલામત છોડાવવા ખાસ સુચના અને માર્ગદર્શન આપી રેપીડ એક્શન પ્લાન તૈયાર કરેલ હોય જે મુજબ એલ.સી.બી. અમરેલી ઇન્ચાર્જ પોલીસ ઇન્સ‍. શ્રી.ડી.કે.વાઘેલા તથા એસ.ઓ.જી. અમરેલી પો.સ.ઇ. શ્રી.આર.કે.કરમટા તથા બાબરા પો.સ.ઇ.શ્રી એ.વી. સરવૈયા નાઓએ અલગ-અલગ ટીમો બનાવી આરોપીઓ અને અપહરણ થયેલ વ્યક્તિ અંગે સઘન તપાસ હાથ ધરી બાબરા તાલુકાના કીડી કરીયાણા ગામની સીમમાંથી અપહરણકારોને અલ્ટો કાર સાથે પકડી પાડી જેનુ અપહરણ થયેલ હતું તે વ્યક્તિને સહી-સલામત છોડાવેલ છે.

*ફરિયાદની વિગતઃ-* વિજયભાઇ ઉર્ફે લાલો બટુકભાઇ આખજા (પટેલ) રહે.બાબરા ધારપરા ચીતલ રોડ જી.અમરેલી વાળાએ જાહેર કરેલ કે, પોતાનાભાઇ સંજયભાઇ બટુકભાઇ આખજા નું બપોરના પોણા બારેક વાગ્યાના અરસામાં પોતાનાભાઇને ચારેક જણા સફેદ કલરની અલ્ટો ગાડીમાં અપહરણ કરી લઇ ગયેલ હોવાની હકીકત પોલીસ સ્ટેશન ખાતે જાહેર કરેલ હતી.જે અન્વયે નીચે મુજબના આરોપીઓને અપહરણ કરવામાં ઉપયોગમાં લીધેલ અલ્ટો કાર સાથે ધરપકડ કરવામાં આવેલ છે.

*બનાવ બનવાનું કારણઃ-* આજથી દોઢેક વર્ષ પહેલા વિજયભાઇ બટુકભાઇ આખજાને કેરાળા ગામે રહેતાં રાજુભાઇ શેખ (કોળી) ની પત્ની કાજલ સાથે પ્રેમ સબંધ હોય જે ખબર પડી જતાં આ વિજય ઉર્ફે લાલાનું અપહરણ કરવા માટે આવેલ હોય પરંતુ વિજય ઉર્ફે લાલો તેની કરીયાણા રોડે આવેલ દુકાનએ હાજર ન હોય જેથી તેના ભાઇ સંજયભાઇ બટુકભાઇ આખજાનું અપહરણ કરવામાં આવેલ હતુ.

*પકડાયેલ આરોપીઓઃ-*
1⃣ ધનશ્યામ વલ્લ્ભભાઇ ગોહિલ રહે.દેવધરી તા.વિછીંયા જી.રાજકોટ
2⃣ નિકુલ બુધાભાઇ ગોહિલ રહે.દેવધરી તા.વિછીંયા જી.રાજકોટ
3⃣ રાજુ શંભુભાઇ શેખ રહે.કેરાળા તા.ગઢડા જી.બોટાદ
4⃣ નાનજી ઉર્ફે નનુ વશરામભાઇ શેખ રહે.કેરાળા તા.ગઢડા જી.બોટાદ
5⃣ સુભાષ ભનુભાઇ જાપડીયા રહે.ઇશ્વરીયા તા.બાબરા જી.અમરેલી

*પકડવાના બાકી આરોપીઓઃ-*
1⃣ ભરત શેખ રહે.કેરાળા તા.ગઢડા જી.અમરેલી
2⃣ રાજુ ધરજીયા રહે.દેવધરી તા.વિછીંયા જી.રાજકોટ

💫 ઉપરોકત પાંચેય આરોપીઓએ અપહરણનો ગુન્હો કરવા ઉપયોગમાં લીધેલ અલ્ટો કાર રજી.નં. GJ03JR-7883 ની સાથે પકડી પાડી બાબરા પો.સ્ટે.માં સોંપી આપેલ છે. અને જેનુ *અપહરણ થયેલ તે વ્યક્તિ સંજયભાઇ બટુકભાઇ આખજા રહે.બાબરા વાળાને સહી-સલામત છોડાવવામાં આવેલ છે.*

આમ, *શ્રી નિર્લિપ્ત રાય, પોલીસ અધિક્ષક સાહેબશ્રી અમરેલી તથા ના.પો.અધિ.સાહેબશ્રી. મુખ્ય મથક, અમરેલી વિભાગ અમરેલી નાઓની સુચના અને માર્ગદર્શન મુજબ બાબરા શહેરમાંથી થયેલ અપહરણના ગુન્હાનો ગણત્રીના કલાકોમાં ભેદ ઉકેલી આરોપીઓને પકડી પાડી અપહરણ થયેલ વ્યક્તિને સહી-સલામત છોડાવવામાં અમરેલી એલ.સી.બી./એસ.ઓ.જી.ટીમ તથા બાબરા પોલીસને સફળતા મળેલ છે.*