Main Menu

દલખાણીયા રેંજમા 14 સિહોના થયેલા કમોત મામલે ગુજરાત સરકારના વનમંત્રી ગણપત વસાવાએ ઘટના સ્થળની મુલાકાત લઈ પત્રકારો સાથે વાતચીત કરી

અમરેલીના ગીરપુર્વ વિભાગના દલખાણીયા રેંજમા 14 સિહોના થયેલા કમોત મામલે ગુજરાત સરકારના વનમંત્રી ગણપત વસાવાએ ઘટના સ્થળની મુલાકાત લઈ પત્રકારો સાથે વાતચીત કરી.

ધારીના ગીર પુર્વના દલખાણીયા રેંજમા સિહોના થયેલા મોતની જાત તપાસ કરવા વનમંત્રી ગણપત વસાવા આજે ધારી ખાતે આવી દલખાણીયાના જંગલોમા ફર્યા હતા ત્યારબાદ પત્રકારો સાથે વાતચીતમા માહિતિ આપી હતી કે આ વિસ્તારમા 100 ટીમના 500 કર્મીઓએ 500 સિહોનુ સ્કેનીંગ કર્યુ છે અને ત્રણ હજાર ચોરસ મિટર વિસ્તારમા ફરીને તપાસ કરાઈ છે જેમા સાતથી આઠ બિમાર સિહોને ટ્રીટમેંટ આપવામા આવી છે તેમાથી હાલ ચાર સિહોની સારવાર ચાલી રહી છે. વનકર્મીઓની રાતદિવસની કરેલ મહેનત માટે અભિનન્દન આપ્યા હતા.દલખાણીયાની આ એકજ રેંજ્મા એકી સાથે 14 સિહોના મોત મામલે વસાવાએ લુલો બચાવ કરી રીપોર્ટ ની રાહ જોવાનુ જણાવ્યુ હતુ…

સામાન્ય રીતે પશુઓ અને પક્ષીઓ માટે હેલ્પ લાઈનો કાર્યરત છે ત્યારે વસાવાને સિહો માટેની હેલ્પ લાઈન શરુ કરવા અંગેના જવાબમા તેઓ હજી માસ્ટર પ્લાન બનાવશે તેવો જવાબ આપ્યો હતો ત્યારે એક વાત તો ચોક્કસ છે કે જ્યારે જંગલની કોઇ ઘટના બાબતે પુછવા માટે અધિકારીઓને ફોન કરવામા આવે છે ત્યારે તેઓના ફોન બન્ધ જ આવતા હોવાથે વનવિભાગ કાઇક છુપાવતા હોવાની આશંકાઓ જાય છે.

જે નાના વનકર્મીઓ જંગલમા રાત દિવસ મહેનત કરે છે તેઓના અટકેલા પગાર બાબતે વનમંત્રીએ માહિતિ નથી એવો જવાબ આપી ચાલતી પકડી હતી. જોકે અમરેલી જિલ્લાના જે વિસ્તારોમા સિહોનો વસવાટ છે ત્યાના કેટલાક વનપ્રેમીઓ અને ભાજપના કાર્યકરોની એક ખાનગી બેઠકને સંબોધી હતી જેમા વનવિભાગના મુખ્ય અધિકારીઓ તેમજ જિલ્લા ભાજપના પ્રમુખ હીરેન હીરપરાએ ખાસ હાજરી આપીહતી અને લોકોની સાથેની ચર્ચામા સિહ બચાવ ના અભિપ્રાયો જાણ્યા હતા.

ધોડા છુટીગયા પછી તબેલાને તાળા મારવા નિકળેલા વન વિભાગ જો લોકો સાથે તાલમેલ અને ભાઈચારો રાખશે તો ચોક્કસ પરીણામ મળશે ….