Main Menu

મોબાઇલની દુકાનમાં થયેલ ચોરીનો ભેદ ઉકેલી ચોરીમાં ગયેલ ૦૫ મોબાઇલ ફોન રીકવર કરતી અમરેલી એલ.સી.બી. તથા એસ.ઓ.જી. ટીમ

મોબાઇલની દુકાનમાં થયેલ ચોરીનો ભેદ ઉકેલી ચોરીમાં ગયેલ ૦૫ મોબાઇલ ફોન રીકવર કરતી અમરેલી એલ.સી.બી. તથા એસ.ઓ.જી. ટીમ

પોલીસ અધિક્ષક સાહેબશ્રી અમરેલી નાઓએ જીલ્લામાં મિલ્કત સબંધી જે ગુન્હાઓ બનેલ હોય અને તેમાં અમરેલી જિલ્લાના નાગરીકોની મિલકત ચોરાયેલ હોય અને આવા ગુન્હાઓ વણ શોધાયેલ હોય તેવા ગુન્હાઓનો ભેદ ઉકેલવા અને આરોપીઓને પકડી તેના મુળ માલીકને તેની ચોરીમાં ગયેલ મિલકત પાછી મળે તે માટેના સઘળા પ્રયત્નો કરવા અને આવા વણશોધાયેલ અનડીટેકટ ગુન્હાઓનાં ભેદ ઉકેલવા આપેલ ખાસ સુચના અને માર્ગદર્શન મુજબ અમરેલી એલ.સી.બી. ઇન્ચાર્જ પો.ઇન્સ. શ્રી.આર.કે.કરમટા નાઓએ અમરેલી એલ.સી.બી. તથા એસ.ઓ.જી. સ્ટાફની ટીમો બનાવી તપાસ હાથ ધરતાં પેટ્રોલીંગ દરમ્યાન સાવરકુંડલા શહેરમાં જુના બસ સ્ટેશન પાસેથી મોબાઇલની દુકાનમાં થયેલ ચોરીના આરોપીને પકડી પાડેલ છે અને તેની પાસેથી ૦૫ મોબાઇલ ફોન રીકવર કરેલ છે.

ફરિયાદની વિગત:-
સાવરકુંડલા દેવળાગેઇટ વિસ્તારમાં શ્રી.સહજાનંદ મોબાઇલ નામની દુકાન ધરાવતાં દેવાંગભાઇ ધનજીભાઇ આંબલીયા, રહે.સાવરકુંડલા વાળાએ ગઇ તા.૧૬-૧૭/૦૮/૨૦૧૮ ના રાત્રિના સમયે પોતાની ઉપરોક્ત દુકાનમાંથી તાળાં તોડી અલગ-અલગ કંપનીના મોબાઇલ ફોનની ચોરી થયેલ હોવાની ફરિયાદ આપતાં સાવરકુંડલા શહેર પોલીસ સ્ટેશનમાં ફ.ગુ.ર.નં. ૬૧/૨૦૧૮, ઇ.પી.કો. કલમ ૪૫૪, ૪૫૭, ૩૮૦ મુજબનો ગુન્હો અજાણ્યા આરોપી વિરૂધ્ધ રજી. થયેલ હતો.

પકડાયેલ આરોપીઃ-
અલ્તાફ ઉસ્માનભાઇ જાખરા, ઉં.વ-૨૧, ધંધો.મજુરી, રહે.સાવરકુંડલા, મારૂતિનગર.

આરોપી પાસેથી મળી આવેલ મુદામાલઃ-
(૧) ઓપ્પો કંપનીનો ટચસ્ક્રીન વાળો મોબાઇલ ફોન, ડ્યુઅલ સીમ, કિં.રૂ.૧૬,૦૦૦/-
(૨) ઓપ્પો કંપનીનો ટચસ્ક્રીન મોબાઇલ ફોન, ડ્યુઅલ સીમ, કિં.રૂ.૧૦,૫૦૦/-
(૩) ટેક્નો કંપનીનો ડ્યુઅલ સીમ મોબાઇલ ફોન, કિં.રૂ.૭,૦૦૦/-
(૪) ટેક્નો કંપનીનો ડ્યુઅલ સીમ મોબાઇલ ફોન, કિં.રૂ.૬,૫૦૦/-
(પ) વીવો કંપનીનો ટચસ્ક્રીન વાળો મોબાઇલ ફોન, ડ્યુઅલ સીમ, કિં.રૂ.૮,૦૦૦/-

આરોપી અલ્તાફ ઉસ્માનભાઇ જાખરા પાસેથી ચોરીમાં ગયેલ ૦૫ મોબાઇલ ફોન કિ.રૂા.૪૮,૦૦૦/- નો મુદામાલ કબ્જે કરી આગળની વધુ તપાસ અર્થે સાવરકુંડલા ટાઉન ખાતે સોપી આપવામાં આવેલ છે.
આમ, અમરેલી જીલ્લાની જનતા પોતાનાં મકાન, દુકાન, વિગેરે માલ મિલ્કતની સુરક્ષા બાબતે ચિંતિત ન રહે તે હેતુથી, અને જીલ્લામાં બનતા ચોરીના ગુન્હાઓ ઉપર અંકુશ આવે તે બાબતે જીલ્લા પોલીસ અધિક્ષક સાહેબશ્રી ની સુચના અને માર્ગદર્શન મુજબ આ કામગીરી અમરેલી એલ.સી.બી.ના ઇન્ચાાર્જ પોલીસ ઇન્સ. શ્રી.આર.કે.કરમટા તથા એલ.સી.બી. અને એસ.ઓ.જી. ટીમ દ્વારા કરવામાં આવેલ છે.