Main Menu

ખેતલીયાદાદા આસ્થા મંડળ દ્વારા  — ધારીમાં ઉજવાશે ભીખુદાદા ભાવવંદના મહોત્સવ  ત્રણ દિવસીય ધાર્મિક કાર્યક્રમો સાથે ખોડીયાર માતાજીની ગામ સમસ્ત લાપસીનું આયોજ

જીગ્નેશગિરી ગોસાઈ
ખેતલીયાદાદા આસ્થા મંડળ દ્વારા
—————————————-
ધારીમાં ઉજવાશે ભીખુદાદા ભાવવંદના મહોત્સવ
ત્રણ દિવસીય ધાર્મિક કાર્યક્રમો સાથે ખોડીયાર માતાજીની ગામ સમસ્ત લાપસીનું આયોજન
—————————————-
ધારીમાં કાર્યરત ખેતલીયા દાદા આસ્થા મંડળ દ્વારા શેઠ ભીખુદાદાની પાંચમી પુણ્યતિથિનું ભવ્ય ધાર્મિક આયોજન કરવામાં આવ્યું છે ૧૦, ૧૧ અને ૧૨મી એમ ત્રણ દિવસના કાર્યક્રમમાં ગળધરા ખોડીયાર માતાજીની ગામ સમસ્ત લાપસી પણ કરવામાં આવી રહી છે
                                ખેતલીયાદાદાના પરમ આરાધક, સર્વ ધર્મના પરમ ઉપાસક, માનવસેવા, ગૌસેવક અને પ્રખર જીવદયાપ્રેમી એવા ભજન-ભોજનની જ્યોતને સદાય પ્રજ્વલિત રાખનાર એવા શેઠ ભીખુદાદાએ જીવન પર્યત મૂંગા અબોલજીવોને ઘાસચારો, ચણ, રોટલા નાંખવાનું સદ્કાર્ય નિરંતર કર્યું હતું જે કાર્ય આ તિથિ ઉત્સવ દરમ્યાન જોરશોરથી કરાશે તેઓએ ધારીની પાવન ભૂમિને ત્યજી એના પાંચ વર્ષ પુરા થયા છે તેમની પાંચમી પુણ્યતિથિ નિમિત્તે ખેતલીયાદાદા આસ્થા મંડળ દ્વારા ભીખુદાદા ભાવવંદનાનું ત્રણ દિવસીય ધાર્મિક આયોજન કરવામાં આવ્યું છે જેમાં ૧૦મીના રોજ નવીવસાહત ખાતે રેલ્વેટ્રેકને અડકીને બિરાજમાન બાલકેશ્વર મહાદેવ મંદિરમાં વર્ષોથી કાર્યરત રાધાકૃષ્ણ મહિલા સત્સંગ મંડળ દ્વારા સાંજના ૪ કલાકે સત્સંગ કરાશે તેજ દિવસે રાત્રે ૯:૩૦ કલાકે સેવક સમુદાય સત્સંગ મંડળ દ્વારા પણ સત્સંગની જમાવટ કરવામાં આવશે ૧૧મીના રોજ સાંજના ૪ કલાકે સ્થાનિક જૈન મહિલા મંડળ દ્વારા નવકાર મંત્રના જાપ અને સ્તવન કરાશે તેજ રાત્રીના ૯ કલાકે શ્રી રામચરિત માનસ સુંદરકાંડ ધૂન મંડળ ધોરાજી દ્વારા ધૂન – ભક્તિભજન – હનુમાન ચાલીસા પાઠ કરાશે ૧૨મીના રોજ પૂજ્ય ભીખુદાદાની સંકલ્પ અને આજ્ઞા અનુસાર સવારે ૧૧ કલાકે લોહાણા મહાજન વાડીમાં ગામની આરાધ્ય દેવી ગળધરા ખોડીયાર માતાજીની ગામ સમસ્ત લાપસી દાતા ભારતીબાળા રમેશભાઈ ઠાકર ( સુડાવડ વાળા ) ના સહયોગથી કરવામાં આવશે અને રાત્રીના ૮ કલાકે ભવ્ય બીજનું આયોજન કરવામાં આવશે જેમાં મુન્નાદાદા શેઠ ભક્તોને આશિર્વાદ આપશે સમગ્ર તિથિ કાર્યક્રમને પાર પાડવા ખેતલીયા દાદા આસ્થા મંડળ જહેમત ઉઠાવી રહ્યું છે