Main Menu

લીલીયા શહેરમાં હિંદુ સમાજના નવયુવાનો એ કૌમીએકતા દાખવી રમઝાન માસ દરમિયાન મુસ્લિમ બિરાદરો માટે ઈફતારપાર્ટી યોજીને સમાજમાં ભાઈચારાની ઉત્તમ કામગીરી કરી

હનીફ કાતીયાર

લીલીયા શહેરમાં હિંદુ સમાજના નવયુવાનો એ કૌમીએકતા દાખવી

રમઝાન માસ દરમિયાન મુસ્લિમ બિરાદરો માટે ઈફતારપાર્ટી યોજીને સમાજમાં ભાઈચારાની ઉત્તમ કામગીરી કરી

હાલમાં ચાલી રહેલ રમઝાન માસ દરમિયાન સમગ્ર વિશ્વમાં રેહતા મુસ્લિમ બિરાદરો રોઝાઓ રાખીને ઈબાદત માં મશગૂલ છે ત્યારે હિન્દુસ્તાન માં રેહતા બિનમુસ્લિમ ભાઈઓ દ્વારા રોઝેદારો સાથે કૌમીએકતા અને ભાઈચારાની લાગણીઓ દર્શાવવા માટે શરબત,ફળ-ફળાદી તેમજ અવનવી વાનગીઓ ની સોડમ સાથે પ્રેમ અને હેત નો સ્વાદ ભેળવીને મોટા શહેરો થી લઈને નાના ગામડાઓમાં ઈફતારપાર્ટી નુ આયોજન કરી રહેલ છે.ત્યારે આ સરાહનીય કૌમીએકતા ના કાર્યમાં મુળ રાજસ્થાનના અને હાલ અમરેલી જીલ્લાના મોટા લીલીયા ખાતે રહેતા ગુર્જર ચંદ્રકાન્ત(ભાનુ પ્રતાપ) નામના નવયુવાને સમગ્ર લીલીયા માં રેહતા મુસ્લિમ રોઝેદાર બિરાદરોને આમંત્રણ આપીને જબરદસ્ત ઈફતારપાર્ટી નુ આયોજન કરીને સમાજને નવી રાહ ચિંધીને વખાણવા લાયક કાર્ય કરેલ છે.
ઉલ્લેખનીય છે કે દેશના ખુણે-ખુણે રેહતા હિન્દુ- મુસ્લિમ સમાજના લોકો એકાબીજાના દરેક તહેવારો હળીમળીને ઉજવીને કૌમીએકતા નુ ઉત્તમ ઉદાહરણ આપીને આવનારી નવી પેઢીને ભાઈચારાનો પૈગામ શીખવાડે છે.રાજકીય આગેવાનો પણ રમઝાન મહીનામાં રોઝેદારો માટે ઈફતારપાર્ટી ઓ યોજીને ભારત દેશની એકતા અને અખંડિતતા ને મજબુત કરે છે ત્યારે મુળ રાજસ્થાન થી લીલીયા ખાતે કડીયા કામ કરીને પેટીયું રળી ખાતા ચંદ્રકાન્ત(ભાનુપ્રસાદ) ગુર્જર દ્વારા યોજવામાં આવેલ આ પ્રોગ્રામમાં સમગ્ર લીલીયા શહેરમાં રેહતા રોઝેદારો ની સાથેસાથે હિંદુ સમાજના લોકોએ પણ હાજરી આપીને સમાજને કૌમીએકતા અને ભાઈચારાનુ ઉત્તમ ઉદાહરણ આપેલ છે