Main Menu

ધારી  લીલીયા તાલુકાના ભેસવડી ગામખાતે ચાલીરહેલ સપ્તાહ દરમિયાન ગાયમાતા ની સેવાચાકરી કરી રહેલ સંધી-ગામેતી મુસ્લિમ સમાજનો નવયુવાન

ધારી

લીલીયા તાલુકાના ભેસવડી ગામખાતે ચાલીરહેલ સપ્તાહ દરમિયાન ગાયમાતા ની સેવાચાકરી કરી રહેલ સંધી-ગામેતી મુસ્લિમ સમાજનો નવયુવાન

અમરેલી જીલ્લાના મોટાલીલીયા તાલુકાના ભેસવડી ગામખાતે રતીભાઈ કરશનભાઈ બુટાણી ના પરિવાર તરફથી સાત દિવસ સુધી સુંદર મજાના વાતાવરણમાં સપ્તાહ નુ આયોજન કરવામાં આવેલ છે.સપ્તાહ ના ધાર્મિક પ્રસંગે રતીભાઈ બુટાણી ના પરીવાર તરફથી હિંદુ સમાજના માતાતુલ્ય સમાન ગાયને લીલો ધાસચારો નિત્યક્રમ મુજબ પિરસવામા આવી રહેલ હતો જેની સંપૂર્ણ જવાબદારી અને ગાય ઓને ધાસચારો આપવાનુ ભગીરથ કાર્ય સંધી ગામેતી મુસ્લિમ સમાજના નવયુવાન વડીલ રસુલભાઈ (જીંદા) એ હોશભેર ઉપાડી લીધેલ હતુ.
ઉલ્લેખનીય છે કે સૌરાષ્ટ્ર અને કાઠિયાવાડ વિસ્તારમાં ખુબજ બ્હોળી સંખ્યામાં રેહતા સંધી સમાજના લોકો સર્વધર્મ સમભાવ ની વૂતિ રાખીને હંમેશાં કૌમીએકતા અને ભાઈચારાની ભાવનાઓ વ્યક્ત કરીને પાણીમાં સાકર ભળી જાય તે રીતે દરેક ધર્મના લોકો સાથે સારા સબંધ ધરાવતા હોય છે.ત્યારે લીલીયા તાલુકાના નાનાએવા ભેસવડી ગામખાતે રેહતા રસુલભાઈ (જીંદો) સંધી ની સેવાકીય કામગીરી ને લોકોએ બિરદાવેલ હતી.ઈદ હોય કે દિવાળી, મહોરમ હોય કે નવરાત્રી મોટાભાગના તહેવારો દરમિયાન હિંદુ સમાજના લોકો સાથે વ્યવહારિક લાગણીઓ ના સબંધો ધરાવતા ખમીરવંતા સંધી સમાજના લોકો એ આજના વૈમનસ્ય યુગમાં કૌમીએકતા ની મીસાલ હંમેશાં જળહળતી રાખેલ છે.